—Nimarisaj la ri kubꞌulibꞌal qakꞌuꞌx —xechaꞌ.

6 Y ri Qanimajawal Jesucristo jewaꞌ xubꞌiꞌij chike:

—We ta ri kubꞌulibꞌal ikꞌuꞌx kakꞌiyik jelaꞌ pachaꞌ kakꞌiy rijaꞌ re moxtasa, utz ne riꞌ kibꞌiꞌij che wa jun cheꞌ: “Chumichꞌa bꞌi ribꞌ wara y chutika ribꞌ chupa ri mar,” y e kuꞌanaꞌ —xchaꞌ.

«We e laꞌ junoq chiwe kꞌo juna raj chak kachakun pa abꞌixbꞌal o kebꞌuchajij chikop, yey echiriꞌ katzelej lo pa juyubꞌ, ¿kibꞌiꞌij nawi che: “Chatokoq, chat-tzꞌula chwa ri mexa”? 8 ¡Na e ta kiꞌano! Ri kibꞌiꞌij che e waꞌ: “Chajeqa uyijbꞌaxik ri waꞌim y chayijbꞌaꞌ awibꞌ chaꞌ kaya lo ri nuwa chwa ri mexa. Ekꞌuchiriꞌ in woꞌqinaq chi riꞌin, kꞌa tekꞌuchiriꞌ katwaꞌ riꞌat” kixchaꞌ. 9 ¿Kutioxij nawi ri patrón che ri raj chak ruma xuꞌan ri xutaq che? Na kutioxij taj.

10 Jekꞌulaꞌ riꞌix, echiriꞌ iꞌanom chi ronoje ri ixtaqom che uꞌanik ruma ri Dios, jewaꞌ chibꞌiꞌij: “Riꞌoj xa oj mokom, na taqal ta ko chiqe kayak qaqꞌij ma xew qaꞌanom ri ubꞌiꞌim ri Dios chiqe” kixchaꞌ.»

—¡Jesús, lal tijonel, choj-juchꞌ kaꞌn ko cheꞌla! —kechaꞌ.

14 Ekꞌuchiriꞌ xeril pan ri Jesús, jewaꞌ xubꞌiꞌij chike:

—Oj alaq, jeꞌkꞌutu ibꞌ alaq chikiwach raj chakunel pa Rocho Dios[c] —xcha chike.

Xebꞌek kꞌut, y echiriꞌ ketajin chi bꞌe, xekunutaj che ri kiyabꞌil.

15 Kꞌo kꞌu jun chike, echiriꞌ xrilo kunutajinaq chik, xtzelej loq y xujeqo kasikꞌinik, lik kuyak uqꞌij ri Dios. 16 Xuxukubꞌaꞌ kꞌu ribꞌ xeꞌraqan uqꞌabꞌ ri Jesús, xuqasaj rupalaj kꞌa chuꞌlew y lik katioxin chwach, yey waꞌ waꞌchi aj Samaria.

17 Ekꞌu ri Jesús jewaꞌ xubꞌiꞌij:

—¿Na e ta nebꞌa lajuj ri xekunutajik? Yey ri bꞌelejebꞌ chik, ¿pa e kꞌo wi? 18 ¿Suꞌchak na xetzelej ta lo rike chaꞌ kakiyak uqꞌij ri Dios? Ma xew xtzelej lo wa jun achi yey rire na aj tane Israel —xchaꞌ.

19 Xubꞌiꞌij kꞌu che rachi:

—Chatyaktajoq y chamaja bꞌi abꞌe. Ma ruma ri kubꞌulibꞌal akꞌuꞌx wukꞌ, xatkolobꞌetaj che ri yabꞌil —xchaꞌ.

—¿Jampalaꞌ kakꞌun rutaqanik ri Dios che ruwachulew? —xechaꞌ.

Y ri Jesús xukꞌul uwach:

—Ri jeqebꞌal rutaqanik ri Dios na jinta kꞌutubꞌal re kilitajik. 21 Na jinta ne junoq kubꞌiꞌij: “¡Riꞌ kꞌo wara!” o “¡Leꞌ kꞌolik!” Ma tape alaq: Rutaqanik ri Dios kꞌo chi chixoꞌl alaq —xcha chike.

22 Ekꞌuchiriꞌ ri Jesús xubꞌiꞌij tanchi chike rutijoꞌn:

«Kopon kꞌu ri qꞌij echiriꞌ lik kiwaj kiwil tobꞌ ne xa juna qꞌij che ruqꞌijol Ralaxel Chikixoꞌl Tikawex echiriꞌ kataqan che ruwachulew; pero na kiwil taj. 23 Kuꞌana kꞌu riꞌ e kꞌo kakibꞌiꞌij chiwe: “¡Riꞌ kꞌo wara!” o “¡Leꞌ kꞌolik!” Pero riꞌix mixꞌek, na kebꞌiternabꞌej ta nenareꞌ. 24 Ma echiriꞌ kakꞌun Ralaxel Chikixoꞌl Tikawex, konoje kakil rukꞌunibꞌal jelaꞌ pachaꞌ kuꞌano echiriꞌ kayokꞌ kaꞌn ruxeꞌ kaj y ruwonibꞌal waꞌ kuwonisaj ronoje.

25 Pero lik kꞌu chirajawaxik nabꞌe na kutij ri kꞌax y lik kakꞌaq bꞌi uqꞌij kuma ri winaq re waqꞌij ora.

26 »Ma jelaꞌ pachaꞌ ri xuꞌan chupa taq ri qꞌij re ri Noé, jelaꞌ kuꞌana pa rukꞌunibꞌal Ralaxel Chikixoꞌl Tikawex. 27 Ma konoje ri winaq kakitij kiwa, kakitij kiyaꞌ, kekꞌuliꞌik y kekiya ri kalkꞌoꞌal pa kꞌulanikil. Ekꞌu ketajin riꞌ che uꞌanikil, echiriꞌ xopon ruqꞌijol xok bꞌi ri Noé chupa ri nimalaj barco; kꞌa tekꞌuchiriꞌ xpe ri unimal jabꞌ y jelaꞌ xusach kiwach konoje.

28 Jekꞌuriꞌlaꞌ xuꞌan ojertan chupa taq ri qꞌij re ri Lot: taq ri winaq kakitij kiwa, kakitij kiyaꞌ, keloqꞌowik, kekꞌayinik, ketikoꞌnajik y kakiyak kocho. 29 Yey chupa kꞌu ri qꞌij echiriꞌ xel bꞌi ri Lot chupa ri tinamit Sodoma, xpe lo aqꞌ chikaj kajinow rukꞌ azufre[d] y xekam konoje ri e kꞌo chupa ri tinamit. 30 Jekꞌuriꞌlaꞌ kuꞌana pa ruqꞌijol echiriꞌ kaqꞌalajin uwach Ralaxel Chikixoꞌl Tikawex, ma taq ri winaq na kakoyꞌej ta rukꞌunibꞌal.

31 »Chupa kꞌu riꞌ la qꞌij, china ri kꞌo lo chwi ri rocho, maqaj lo che ukꞌamik ubꞌitaq re pa ja; y china ri kꞌo pa juyubꞌ, matzelej lo pa ri tinamit. 32 Kꞌuna chikꞌuꞌx riꞌix saꞌ ri xukꞌulumaj ri rixoqil ri Lot.[~5~] 33 China ri lik kutij riꞌ che na kuya ta ranimaꞌ rukꞌaslem, riꞌ e kujam ri chomilaj ukꞌaslemal chwach ri Dios; noꞌj china ri kuya ranimaꞌ rukꞌaslem wuma riꞌin, riꞌ e kuriq ri chomilaj ukꞌaslemal chwach ri Dios.

34 »Paqatzij wi kambꞌiꞌij chiwe: Chupa laꞌ laꞌqꞌabꞌ kꞌo kuꞌana wi e kꞌo kaꞌibꞌoq kewar junam; jun kakꞌam bꞌi y ri jun chik kayaꞌiꞌ kanoq. 35 O laj e kꞌo kaꞌibꞌ ixoqibꞌ junam kekeꞌnik; jun kakꞌam bꞌi y ri jun chik kayaꞌiꞌ kanoq. 36 Pa e kꞌo wi kaꞌibꞌoq chwa juyubꞌ; jun kakꞌam bꞌi y ri jun chik kayaꞌiꞌ kanoq» xcha ri Jesús.

37 Ekꞌuchiriꞌ rutijoꞌn xkikꞌul uwach, jewaꞌ xkibꞌiꞌij che:

—Qajawal, ¿pachawi kuꞌana wi waꞌ? —xechaꞌ.

Y ri Jesús xubꞌiꞌij chike:

—Lik kaqꞌalajinik pa kuꞌana wi, jelaꞌ pachaꞌ kaqꞌalajinik pa kꞌo wi juna kaminaq, ma puwi waꞌ kakimol wi kibꞌ taq ri kꞌuch[~6~] —xchaꞌ.

<- Lucas 16Lucas 18 ->