Languages
42
Diyosepa Haidana sa Lau Idipi
Aba Fatubu 42:1-10

1 Witi, Idipi yai wasana Iyakobo ya atahiyen be nanatuna ya falibadi iyen,[a]

Sidohana be ami famata kinokino? 2 Wasa E atahiyen mate witi Idipi yai. Au hasai be ada au une. Doꞌata guliyam ya kamfunuhida.
 

3 Habahim Diyosepa haidana safuhudohudoꞌi sa hasai be witi sa unedi Idipi yai. 4 In moho Diyosepa tasina Beniyamin, Iyakobo ya oihalaen, paꞌana tamana ya ꞌwasabu ibe heyaya i lobahi.

5 Be witi tau uneꞌune haisa sa laulau mate, Iyakobo nanatuna maidadi paꞌana galamo wesawesasa Kanana nuꞌuna yai hinaga.[b]

6 Fuyana tanohina yai Diyosepa ya gawana, kalahe ya uneꞌuneꞌedi dodoga lisidi yai. Be fuyana haidana sa mahano, sa dulu lidi tanohi yai. 7 Maihalana yai haidana ya ita lobahidi, in moho bena haga in fali alina be ya fatiꞌo sagasagali lisidi yai. Iyen,

Somo yai ami laoma?
 
Alinana sa fafuyo tiyen,
Kanana nuꞌuna yai ꞌe laoma, bena kalahe ꞌe une.
 

8 Haidana ya ita lobahidi, na iti hige in ti ita lobahi. 9 Habahim ya eno suwaiyedi wa, ya nuwatuhuidi be ya falibadi iyebom,

Umi tau ita sipo! Ami laoma ema nuꞌu ena belubelu ami mainenei.
 

10 Alinana sa bui tiyen,

Ema baꞌisa, higeꞌe. Ai em tau paisowa, ꞌe laoma witi ꞌe une.
 

21 Hesa - hesa ya libalau hidana lisina iyen,

Dudulaina mate hidada debana yai heyaya te fahoina. Ena kamkamna te ita, fuyanna in pulu yai na ya anꞌetaida bena te saguhi, in moho hige ta modeꞌen. Debana yai sa toleda deli yai lahai faihona.
 

22 Leubena iyen,

Haꞌa E falibamiu yawa, “Tabu heyaya au ginauli gwama ni ai lebena. In moho hige au mode! Aho ite haba ꞌwasinana giluna te bahei.”
 

23 Iti hige ti siba mate alinadi Diyosepa ya sibai, paꞌana fuyanna ya fafalibadi mate doga hesa ya buibuiʼi lisidi yai.

<- Aba Fatubu 41Aba Fatubu 43 ->