Aba Fatubu 46

Iyakobo ya lau Idipi

Aba Fatubu 46:1-7

1 Yo fede Iyakobo ena somo mahudoꞌidi ya faꞌaulahadi, na fuyanna ya mahano Belesiba yai, antalasam ya ginaulidi tamana Isako, ena Yaubada lisina yai.

2 Na iꞌipana Yaubada ya libalau lisina tautau yai, iyen,

Iyakobo! Iyakobo!

Alinana ya bui iyen,

Ho, yau ite.

3 Yaubada Iyen,

Yau, Tamam ena Yaubada. Tabu u ꞌwasabu, u hasai Idipi, ainiya haba yau E ginaulim be wa famala nuꞌu laꞌilaꞌi.

4 Haba E lau watanim be te hasai Idipi, na haba E fafuyom hinaga. Em fuya peꞌi yai, Diyosepa haba nimana yai matam ya kamtoudi.

5 Habahim Iyakobo Belesiba nuꞌuna ya lau afulen be nanatuna tatau sa lawen, yo lalahudi maidadi nanatudi kikiluka mate telela Falo ya fatamalidi amainiya sa awa. 6 Edi yosiyosi yo edi ginauli Kanana yai sa abidi mate hinaga sa lawedi. Na Iyakobo yo laulauwewena mahudoꞌidi sa lau Idipi: 7 Nanatuna tatau,

afa wahana tatau,

nanatuna wawahin,

afa wahana wawahin yo

nanatuna mahudoꞌidi

ya lawedi.

Iyakobo Maꞌana Boga sa Lau Idipi

Aba Fatubu 46:28-30

28 Habahim, Iyakobo mate, Diuda ya dui bwaꞌiyen ya lau Diyosepa lebena be Gosen edaꞌedana bena ya fatalaha. Na fuyanna sa mahanoma Gosen nuꞌuna yai, 29 Diyosepa ena saliyoti sa nonohai be ya lau tamana ya failobahi Gosen yai. Maihalana yai tamana ya ita mate, ya safu na ya tan lofalofa.

30 Iyakobo ya libalau Diyosepa lebena iyen,

Matabahim gonowana E peꞌi, paꞌana hola ma mwahumwahulim, E itam.

<- Aba Fatubu 45 Aba Fatubu 47 ->