Pues entonces tama e día era cay unumse ubꞌobꞌ meyra tunor tin e war acꞌubꞌseyanobꞌ tama Cawinquirar xeꞌ turobꞌ tama e chinam Jerusalem. Y tunorobꞌ cay ajniobꞌ locꞌoyobꞌ tama e chinam era tuaꞌ machi achamesnobꞌ. Y jax taca e apostolobꞌ xeꞌ quetpobꞌ tama e chinam Jerusalem. Pero tin e locꞌoyobꞌ era ixiobꞌ tama tunor or e departamento Judea y tama tunor or e departamento Samaria. 2 Y ayan cora winicobꞌ xeꞌ uyajtobꞌ ut e Dios xeꞌ ixiobꞌ umuquiobꞌ ucuerpo e Esteban. Y uꞌqꞌuiobꞌ taca inteꞌ nuxi nuc conda umuquiobꞌ. 3 Pero e Saulo war uturbꞌa ubꞌa tuaꞌ usati ani inyajrer tunor e grupo ajcꞌubꞌesiajobꞌ. Ixin tama inteꞌ otot y tama otronteꞌ otot tuaꞌ usicbꞌa chi xeꞌ ajcꞌubꞌesiajobꞌ tama Cawinquirar, y conda utajwiobꞌ uquerejbꞌobꞌ uqꞌuechiobꞌ ixiobꞌ esto tama e cárcel. Y bꞌan uche taca e winicobꞌ, y bꞌan uche taca e ixictac ubꞌan xeꞌ utajwi que war acꞌubꞌseyanobꞌ tama Cawinquirar.

—E winic era meyra ayan ucꞌotorer e Dios tamar. Bꞌan che e gente tamar e winic era.

11 Pues e winic era ayix tiempo que war umajres e gente axin, y tamar era e gente war uturbꞌa ubꞌobꞌ tamar lo que uche jaxir. 12 Pero e gente tama e lugar era, conda cay uturbꞌa ubꞌobꞌ tamar lo que war achecsuna umen e Felipe tama e corpesiaj, cay cꞌubꞌseyanobꞌ tama uchinam e Dios, y cay cꞌubꞌseyanobꞌ tama ucꞌabꞌa e Jesucristo. Entonces cay yopobꞌ cora winicobꞌ y cora ixictac tut e Felipe xeꞌ wartocto acꞌubꞌseyanobꞌ tama e Cristo tuaꞌ achꞌujyobꞌ. 13 Y e Simón xeꞌ jax inteꞌ ajnirom cay cꞌubꞌseyan tama e Cristo ubꞌan. Y conda cꞌapa chꞌujya quetpa tuyejtzꞌer e Felipe, y war atzay uwira e sian milagro y e sian seña lo que war achena umen e Felipe.

14 Entonces conda e apostolobꞌ tama e chinam Jerusalem uyubꞌiobꞌ que e gente tama e departamento Samaria war uchꞌamiobꞌ uyojroner e Dios, uyebꞌtobꞌ ixin e Pedro y e Juan tuaꞌ axiobꞌ esto tama e lugar yajaꞌ. 15 Y conda cꞌotoyobꞌ e apostolobꞌ cay ucꞌajtiobꞌ taca e Dios tujor tunor tin e war acꞌubꞌseyanobꞌ tama e Cristo tuaꞌ uchꞌamiobꞌ Unawalir e Dios. 16 Pues e gente era tama e departamento Samaria cay cꞌubꞌseyanobꞌ tama e Cristo y chꞌujyobꞌ tama ucꞌabꞌa Cawinquirar Jesús, pero mato majchi tujamobꞌ e ajcꞌubꞌesiajobꞌ era xeꞌ cay uchꞌamiobꞌ Unawalir e Dios. 17 Entonces e Pedro y e Juan upacbꞌu ucꞌabꞌ tamar tin e war acꞌubꞌseyanobꞌ tama e Cristo y jaxirobꞌ uchꞌamiobꞌ Unawalir e Dios.

18 Pero e Simón cay tzay conda uwira que ajcꞌuna Unawalir e Dios tunor tin e upacbꞌu ucꞌabꞌ e apostolobꞌ tamar. Y tamar era cay uche ofrecer e tumin taca e Pedro y taca e Juan y che:

19 —Pues ajcꞌunen e cꞌotorer era nen ubꞌan tuaꞌ uyubꞌien impacbꞌu nicꞌabꞌ tujor e gente tuaꞌ uchꞌamiobꞌ Unawalir e Dios, che e Simón.

20 Pero e Pedro uyare e Simón y che:

—Quiqui satpen taca tunor atumin, porque war abꞌijnu que e Dios axin uyajqꞌuet ucꞌotorer umen taca que cꞌani awajcꞌu e tumin tamar, porque majax bꞌan cocha war abꞌijnu. 21 Y net era ma cocha erer achꞌami ucꞌotorer e Dios, y ma cocha erer iyajcꞌuna tunor era, porque awalma majax erach tut e Dios. 22 Actan tunor e mabꞌambꞌanir lo que war abꞌijnu ache, y cꞌajtin taca Cawinquirar Dios tuaꞌ axin acꞌumpa tacaret tamar lo que cay abꞌijnu ache era. 23 Porque nen inwira que bꞌutꞌur awalma taca e qꞌuijnar, y net era cacharet umen e mabꞌambꞌanir. Bꞌan che e Pedro uyare e Simón.

24 Entonces sutpa ojron e Simón taca e Pedro y e Juan y che:

—Ay hermanuox, cꞌajtinic taca Iwinquirar Dios que machix tuaꞌ anumuy tunor era tamaren, che e Simón.

25 Pues entonces e Pedro y e Juan, conda cꞌapa uchecsu lo que e Dios cay uche tamarobꞌ y conda cꞌapa uchecsu tunor uyojroner Cawinquirar, sutpa ixiobꞌ esto tama e chinam Jerusalem otronyajr. Pero tama e bꞌir war uchecsu uyojroner e Cristo tama e corpesiaj tut e gente tic taca tiaꞌ numuyobꞌ, y bꞌan uchiobꞌ tama meyra chinamobꞌ tama e departamento Samaria.

—Achpen quiqui esto tama e lugar xeꞌ más bꞌana que e chinam Jerusalem esto tama inteꞌ choquem lugar xeꞌ ucꞌabꞌa Gaza, che e ángel. 27 Entonces e Felipe achpa y locꞌoy ixin. Y tama e bꞌir bꞌana utajwi inteꞌ winic xeꞌ tuaꞌ e nuxi chinam Etiopía. Y e winic era jax inteꞌ xeꞌ machi oyni, pero xeꞌ jax inteꞌ ajcꞌampar xeꞌ ucojco e tumin tuaꞌ inteꞌ reina xeꞌ ucꞌabꞌa Candace tama e nuxi chinam Etiopía. Pues jaxir ixin tama e chinam Jerusalem tuaꞌ uyujtzꞌi ut Cadiosir, 28 y era war asutpa axin esto tama ulugar otronyajr. Y war axin tama uxambꞌar tama inteꞌ carruaje xeꞌ aqꞌuejcha axin umen inteꞌ chij. Y tama uxambꞌar era war uche leer tama uyojroner e Dios xeꞌ tzꞌijbꞌabꞌir umen e profeta Isaías. 29 Y tamar era ojron Unawalir e Dios y uyare e Felipe y che:

—Quiqui tuyejtzꞌer e carruaje yax tuaꞌ iyojron taca e winic, che Unawalir e Dios.

30 Y conda e Felipe yaꞌ turu tuyejtzꞌer e carruaje cay uyubꞌi que e winic war uche leer tama e libro tuaꞌ e profeta Isaías, y tamar era uyubꞌi tuaꞌ y che:

—¿Anata ca tucꞌa war ache leer era? che e Felipe.

31 Y ojron e winic y che:

—¿Cocha tuaꞌ innata tunor era jay mamajchi ayopa tuaꞌ uchecsu taniut tucꞌa war che tunor era? che e winic.

Entonces upejca e Felipe tuaꞌ atꞌabꞌay aturuan tuyejtzꞌer tama e carruaje. Entonces ochoy e Felipe tama e carruaje.

32 Y tiaꞌ war uche leer e winic tama uyojroner e Dios[a] jax era:

—Arenen ¿tucꞌa nic war ubꞌijnu e profeta conda utzꞌijbꞌa e ojroner era? ¿Jax taca ca jaxir xeꞌ tuaꞌ unumse ubꞌa tama tunor era? O ¿ayan ca otronteꞌ xeꞌ tuaꞌ unumse ubꞌa cocha era? che e ajcꞌampar.

35 Entonces ojron e Felipe y cay uchecsu tut e ajcꞌampar tama tunor e ojroner era tama uyojroner e Dios. Ucajyes e checsuyaj tama e ojroner tuaꞌ e profeta era, y de allí cay uyare e ajcꞌampar tama tunor e ojroner tama e corpesiaj lo que ayan tama e Jesús. 36 Y warto axiobꞌ tama ucarruaje e ajcꞌampar conda cꞌotoyobꞌ tama inteꞌ lugar tiaꞌ ayan e jaꞌ. Y ojron e ajcꞌampar y che:

—Tara ayan e jaꞌ. ¿Tucꞌa tuaꞌ machi achꞌuyen tamar? che e ajcꞌampar.

37 Entonces ojron e Felipe y che:

—Pues net erer ichꞌujya era jay icꞌubꞌseyan tama e Cristo taca tunor awalma, che e Felipe.

Y ojron e ajcꞌampar y che:

—Nen incꞌubꞌseyan tama e Jesucristo que jax Uyunen e Dios, che e ajcꞌampar.

38 Entonces e ajcꞌampar uyare tuaꞌ awawan e carruaje y ecmay e Felipe y e ajcꞌampar, y ecmay ixiobꞌ esto tutiꞌ e jaꞌ. Y yajaꞌ taca chꞌujya e ajcꞌampar umen e Felipe. 39 Y war atꞌabꞌay alocꞌoyobꞌ tama e jaꞌ conda wacchetaca loqꞌuesna e Felipe yajaꞌ. Turu ani y de allí satpa tut e ajcꞌampar y qꞌuejcha ixin innajt umen Unawalir Cawinquirar. Y e ajcꞌampar machi sutpa uwira ut e Felipe otronyajr, intaca ixin tama uxambꞌar y war atzay meyra tama uyalma umen lo que e Dios uche tacar. 40 Y conda e Felipe uyajchꞌi ubꞌa yix turu tama e chinam Azoto. Entonces cay ixin tuaꞌ acꞌotoy tama e chinam Cesarea. Y tama uxambꞌar cay unumse inteꞌ inteꞌ chinam y war uchecsu uyojroner e Dios tama e corpesiaj lo que ayan tama e Jesús tut tunor e gente.

<- Hechos 7Hechos 9 ->