1 Pues entonces e Saulo machi war uyacta uqꞌuijnar upater tunor tin e war axanobꞌ tama ubꞌir Cawinquirar este que war ubꞌajcꞌusiobꞌ que cꞌani uchamsiobꞌ. Y tamar era ixin e Saulo tuaꞌ oꞌjron taca uwinquir e inmojr sacerdotiobꞌ 2 tuaꞌ ucꞌajti cora carta tuaꞌ aꞌjcꞌuna e cꞌotorer tuaꞌ ucachi uqꞌuechiobꞌ axin tama e cárcel tama e chinam Jerusalem tunor tin e utajwi xeꞌ war axanobꞌ tama ubꞌir e Cristo, motor jay winicobꞌ o motor jay ixictac. Y tamar era ajcꞌuna inteꞌ carta umen uwinquir e inmojr sacerdotiobꞌ tuaꞌ uqꞌueche axin tacar tuaꞌ uwirse e winicobꞌ tama e sian sinagoga lo que ayan tama e chinam Damasco. 3 Entonces war axana e Saulo tama e bꞌir, y conda tuix acꞌotoy tama e chinam Damasco wacchetaca checta inteꞌ nuxi janchꞌaquenar tut e qꞌuin, bꞌan cocha e janchꞌaquenar conda eijbꞌi ut e qꞌuin. Pero machi tajpa wacchetaca sino que intaca quetpa e nuxi cꞌajc era tut e qꞌuin xeꞌ war ujanchꞌacnes tunor or e lugar tiaꞌ turu jaxir. 4 Entonces e Saulo cucrema tut e rum y cay uyubꞌi inteꞌ nuc xeꞌ ojron tacar y che:
5 Entonces ojron e Saulo y uyubꞌi tuaꞌ tin e war oꞌjron tama e janchꞌaquenar y che:
6 Pero e Saulo war achincha umen e bꞌajcꞌut y cay ojron otronyajr y che:
7 Pero e winicobꞌ xeꞌ war axanobꞌ taca e Saulo tama uxambꞌar era intaca quetpobꞌ wawanobꞌ y machi ojronobꞌ umen e bꞌajcꞌut. Intaca war uyubꞌiobꞌ e nuc pero machi uwirobꞌ chi. 8 Entonces e Saulo achpa tiaꞌ cucrema tut e rum, pero conda cay uyerojse unacꞌut machi eꞌron. Y umen que machi eꞌron, cay chujca ucꞌabꞌ umen tin e war axanobꞌ tacar tuaꞌ uqꞌuechiobꞌ axin tuaꞌ acꞌotoy esto tama e chinam Damasco. 9 Y conda cꞌotoy intaca turuan uxteꞌ día. Machi eꞌron, machi weꞌ, y nien matucꞌa uyuchꞌi. Bꞌan taca turuan.
10 Pero tama e chinam Damasco era ayan inteꞌ ajcꞌubꞌesiaj xeꞌ ucꞌabꞌa Ananías. Y jaxir irsena inteꞌ mayjut tiaꞌ uwira que Cawinquirar war oꞌjron tacar y che:
11 Y ojron Cawinquirar y che:
13 Pero e Ananías conda cꞌapa uyubꞌi e ojroner era, ojron otronyajr y che:
15 Pero ojron Cawinquirar otronyajr y che:
17 Entonces ixin e Ananías uche bꞌan taca cocha arobꞌna umen Cawinquirar y ixin esto tiaꞌ turu e Saulo. Y conda ochoy tama e otot, ixin upacbꞌu ucꞌabꞌ tama ujor e Saulo y che:
18 Y wacchetaca ojri tama unacꞌut lo que bꞌan cocha usujr e chay, y tamar era uyubꞌi eꞌron otronyajr. Entonces achpa e Saulo y ixin chꞌujya. 19 Y de allí ixin cay weꞌ. Y tamar era qꞌuecꞌo otronyajr y quetpa cora día taca e inmojr ajcꞌubꞌesiajobꞌ tama Cawinquirar xeꞌ turobꞌ tama e chinam Damasco.
20 Pues entonces tama e día era e Saulo cay uchecsu ucꞌabꞌa e Jesús tama e sian sinagoga, y war uyare e gente que e Jesús jax Uyunen e Dios. 21 Y tunor tin e uyubꞌi uyojroner war ubꞌijnu uwira y chenobꞌ:
22 Pero e Saulo war uchecsu tut e gente axin taca inteꞌ nuxi tzayer que e Jesús jax e Cristo este que cꞌapa ucucru taca uyojroner tunor tin e tuobꞌ e Israel xeꞌ turobꞌ tama e chinam Damasco. Y jaxirobꞌ machi unatobꞌ tucꞌa tuaꞌ oꞌjronobꞌ otronyajr.
23 Pues conda cꞌapa numuy meyra día, e gente tuaꞌ e Israel cay ubꞌijnuobꞌ que cꞌani uchamsiobꞌ e Saulo. 24 Pero e Saulo cꞌotoy unata tucꞌa war ubꞌijnuobꞌ. Pero cocha e gente era xeꞌ tuobꞌ e Israel cꞌani utajwiobꞌ e Saulo, cay ucojcobꞌ tunor e nuxi puerta lo que ayan tama e nuxi petzbꞌir tun xeꞌ xojybꞌir e chinam tacar. Y bꞌan war uchiobꞌ tama e día y tama e acbꞌar ubꞌan. Y cꞌani uwirobꞌ jay erer utajwiobꞌ e Saulo. 25 Pero tin e war acꞌubꞌseyanobꞌ tama Cawinquirar, cocha war uyajtobꞌ ut e Saulo, uturbꞌobꞌ tama inteꞌ nuxi chiquiꞌ y ucachiobꞌ taca inteꞌ lazo, y unumsiobꞌ tama inteꞌ chꞌen tama e nuxi petzbꞌir tun lo que ayan tama utiꞌ e chinam, y uyemsiobꞌ este que cꞌaxi tut e rum tama inxejr e petzbꞌir tun. Y bꞌan ixto cocha era locꞌoy ajni e Saulo. Machi tajwina umen e gente tuaꞌ e Israel xeꞌ cꞌani ani uchamsiobꞌ.
26 Pues entonces e Saulo ixin esto tama e chinam Jerusalem. Y conda cꞌotoy cꞌani ani umorojse ubꞌa taca e inmojr ajcꞌubꞌesiajobꞌ tama e Jesús, pero e ajcꞌubꞌesiajobꞌ era war abꞌactobꞌ y machi cꞌani umorojse ubꞌobꞌ tacar porque machi war ucꞌubꞌsiobꞌ jay jaxir jax inteꞌ ajcꞌubꞌesiaj tama e Jesús coner. 27 Pero e hermano Bernabé uqꞌueche ixin e Saulo esto tut e apostolobꞌ. Y cay uyare e apostolobꞌ que e Saulo uwira ut Cawinquirar tama inteꞌ umayjut conda war axana tama e bꞌir. Y cay uyare que Cawinquirar ojron tacar, y que e Saulo cay uchecsu ucꞌabꞌa e Jesús tama e chinam Damasco taca inteꞌ tzayer. 28 Entonces e Saulo quetpa taca e apostolobꞌ, y war axin tic taca tama e chinam Jerusalem, war uchecsu uyojroner e Dios taca inteꞌ nuxi tzayer tama ucꞌabꞌa Cawinquirar. 29 Y war upejca tin e tuobꞌ e Israel xeꞌ ojronobꞌ tama e ojroner griego, y cay ojron meyra tama uyojroner e Dios este que uqꞌuijnes e winicobꞌ era. Y tamar era e winicobꞌ cay ubꞌijnuobꞌ tuaꞌ uchamsiobꞌ e Saulo. 30 Pero conda e ajcꞌubꞌesiajobꞌ cay unatobꞌ que tin e tuobꞌ e Israel war ubꞌijnuobꞌ tuaꞌ uchamsiobꞌ e Saulo, uqꞌuechiobꞌ ixin esto tama e chinam Cesarea. Y de allí uyare tuaꞌ axin esto tama e chinam Tarso.
31 Y tamar era numuy inteꞌ tiempo conda ayan e jiriar tama tunor e sian grupo ajcꞌubꞌesiajobꞌ tama Cawinquirar xeꞌ turobꞌ tama tunor e departamento Judea. Y bꞌan ubꞌan tama tunor e departamento Galilea, y tama tunor e departamento Samaria. Y war aqꞌuecꞌo inteꞌ inteꞌ ajcꞌubꞌesiaj y war abꞌoruobꞌ tunor e grupo ajcꞌubꞌesiajobꞌ taca utacarsiaj Unawalir e Dios. Y tunor e ajcꞌubꞌesiajobꞌ era war oꞌbꞌianobꞌ tut e Dios.
32 Pues entonces e Pedro war axana tic taca tuaꞌ uwarajse tunor tin e war acꞌubꞌseyanobꞌ tama e Jesús, y tamar era ixin tuaꞌ uwarajse tin e ajcꞌubꞌesiajobꞌ tama e chinam Lida. 33 Y tama e chinam era utajwi inteꞌ winic xeꞌ ucꞌabꞌa Eneas xeꞌ ayix ocho año chꞌar tama uchꞌacteꞌ umen que chamen ucuerpo. 34 Entonces e Pedro ojron taca e winic y che:
36 Pues tama e tiempo era ayan inteꞌ ixic xeꞌ jax inteꞌ ajcꞌubꞌesiaj tama e Cristo xeꞌ turu tama e chinam Jope. Y e ixic era ucꞌabꞌa Tabita, pero tama e ojroner griego ucꞌabꞌa Dorcas. Pues jaxir cay uche meyra lo que imbꞌutz tut tunor e gente, y war axana utacre inteꞌ inteꞌ tin e matucꞌa ayan tacarobꞌ. 37 Pero tama e tiempo era muacran e Dorcas y chamay. Entonces uyatesobꞌ ucuerpo y uturbꞌobꞌ tama inteꞌ cuarto tama inteꞌ otot xeꞌ más tichan, y yajaꞌ tichan ixin uchꞌabꞌuobꞌ ucuerpo. 38 Y tunor tin e ajcꞌubꞌesiajobꞌ tama e Cristo xeꞌ turobꞌ tama e chinam Jope war unatobꞌ que turu e Pedro tama e chinam Lida xeꞌ majax innajt tutobꞌ y que erer acꞌotoy jaxir tuaꞌ ucꞌajti taca e Dios tuaꞌ asutpa abꞌixcꞌa e Dorcas. Y entonces uyebꞌta ixiobꞌ chateꞌ winicobꞌ tuaꞌ usicbꞌobꞌ e Pedro. Y conda cꞌotoyobꞌ tut e Pedro, cay uyareobꞌ cocha era y chenobꞌ:
39 Entonces locꞌoy e Pedro y ixin tacarobꞌ. Y conda cꞌotoyobꞌ esto tama e otot tiaꞌ chꞌar e chamen era xeꞌ jax e Dorcas, uqꞌuechiobꞌ ixin e Pedro esto tama e cuarto tiaꞌ chꞌar ucuerpo. Y yajaꞌ ayan e sian ixictac xeꞌ chamen uviejobꞌ xeꞌ war acotuanobꞌ tut ucuerpo e ixic war aruobꞌ. Y cay uwirsiobꞌ e Pedro tunor e sian bꞌujc lo que chembꞌir umen e Dorcas conda turuto ani. 40 Y de allí e Pedro uyare tunor tin e turobꞌ macuir e cuarto tuaꞌ alocꞌoyobꞌ. Entonces conda quetpa ubꞌajner tiaꞌ chꞌar ucuerpo e ixic, cotuan y cay ucꞌajti taca e Dios. Entonces uchꞌujcu uwira ut e chamen ixic y che cocha era: