1 Ena na kanikai Yai Gumam boiri tei ame dere moiro okom womdi tei munom ganom ta ako moime. Yokamai bei moiro boromdi teme i ka boiro areme oropo koi i ka ama boiro a kumo siro bun feiro u mari boingua si bireinga tarom okonom koro muruwo iro te koro surai iro si bireime.[~1~] 2 Te na ama kanikai Yai Gumam nuwi kokonan gan ta yoporam boingua iro uro u yoporam boiro boiro ka epe dume. “Eramom kounom morangua yaromi bei moiro munom ganom si bireinga tarom forau si dowangoro u mari name?” epe dumba 3 yai ta kamundi tei bo te mangi tawa bo te mansinomdi oropo tei ama munom ganom i forau si dere ikai tei kanangua kounom moikeme. 4 Ena yai ta munom ganom i forau si dere ikai tei kanangua moikengua iran na kai munmane wom meiye. 5 Ena ari mokoinga yokamai moingi tei yai ta uro ka epe na di narome. “Ne kai meikeyo! Kano! Yai ta kei biyom Laion yoporam boinguamom epe moiro Yura ari yokamai gaunom u mari furo awam Dawiri yaromi ari kiapanom bei eronguamere epe fuka diro yaromi kiama yokamai kura boi ime de tongua yaromi bei moiro munom ganom si bireinga tarom okonom koro muruwo te koro surai dunguai forau si duwangua yaromi kounom bengua moimie,” epe di narome.[~2~]
6 Ena na kanikai non sipsip gam ta arire moime. Yaromi boi suna yai ori ame dero moingua boiyomdi tei arire moingoro ena kapu okonom suwo iro suwo iro yokori moinga yokamai te ari mokoinga yokamai non gam i waiyapo de suna de teime. Te ari non sipsip si goingamere epe non sipsip gam i moimba tokoi arire yokori moime. Te non gam yaromi kiyom okonom koro muruwo te koro surai dungoro te okonom murom okonom koro muruwo iro te okonom surai koime. Okonom murom i epemere Yai Gumam murom okonom koro muruwo to koro surai moinga ena Yai Gumam bei moiro muromom i ewi dongua man man i muruwo fime.[~3~] 7 Ena non gam yaromi u Yai Gumam ari kiapanom bei erongua boiyomdi tei ame dere moingua uro munom ganom i yaromi okom womdi akongua iro furo[~4~] 8 fungua ena kapu okonom suwo iro suwo iro yokori moinga yokamai te ari mokoinga yokamai yai ta okom kauwom muruwo iro te yai ta okom suwo iro suwo iro yokamai fu non gam moingui teina tei furo gome deingoro ari mokoinga yokamai muruwo nen towane towane tai ta epemere towa singa tarom akore te kopare kongo gol beinga ama akoingoro ena enuku kipom sungua kopare muruwo murongoro ena enuku unguamere epe Yai Gumam gama yo teinga yokamai ka make eime.[~5~] 9 Yokamai eiro wi koi ta dinga i epe:
11 Ena na tokoi kanikai Yai Gumam nuwi kokonan gan yokamai munmane wom wi dingoro fiye. Gan wi dinga yokamai munmane wom moinga na yokamai kerowaika i faikeme. Ena yokamai uro ari kiapanom bei erongua boiyomdi te kapu yokori moinga yokamai te ari mokoinga yokamai waiyapo dere[~8~] 12 u yoporam boiro epe diro u boime: