We-sulubagi sakan-burwisur nikad,

We-sulubagide, Líbano-yarse nonikid,

urwar-sapi-dukugi signonikid.

Geb a-e-mimmi-dutugwad-noardaed, dule-ibmar-ukmalad-e-yarse sesad.

Geb agine, bukidar-ibmar-ukleged-neggweburgi digsad.

geb napa-nuedgi a-ibmar-gwag digsamogad.

Diwar-aryomaid-gakaba sapi-Sauceʼyob digsad.

e-dubmar bukidar nallamakde gusad.

e-malimardi neg-urba aideded.

degidbali, na e-muu nikunonisunnad,

e-dubmar bukidar nallamakebukwa gusad.

a-sulubagide sakan-burwisur nikamogad,

absar yaisur nikabalid.

adi, na e-digar-gwichidba sano-maidbali sulubagise diigi-oglegwichi guegar.

diwar-aryomaid-dikarba gwisgusad,

Deginbali, uva-dub yeerdaklegwichi guegar.’

9 ”Ega be sogbali, Bab-Jehová-Bela-Gangued-Nikadi weyob sogbarye:

¿Sulubagide, bela sailanagase uva-ungosur be ebinsae?

¿Degidba uva-dub odinguosur be ebinsae?

Sailanagase-ungegala, arbaed-dummad abelegosulid,

dulemar-bukidar abelegosurbalid.

Ar burwa-ued egi gollalile, ¿odinguosur be ebinsae? Eye, ar bia na digar-gwichidgi agi na dingudoed.’ ”

11 Bab-Jehová anga sogdebalid: 12 “Emigindi, we-dulemar-uayasulidamaladse be egise: ‘Ar we-ibmar-bega-soglenaidi, ¿magar be itomar sogeye?’ Ega be soge: ‘Babilonia-e-rey Jerusalén-neggweburse nonigusad, agine, Judá-e-rey, degi, eba-arbamalad Babilonia-yarse sesagusad. 13 Geb sorbali, Babilonia-e-rey Judá-rey-machi-wargwenbo igar-mesisad, geb ibmar-ise-sogar-sogega imaksad, adi, melle e-yardakegar. Degidbali, Babilonia-e-rey, Judá-dule-bulegan, degi, Judá-dule-nuga-nikamalad Babiloniaʼse sesagusad, 14 adi, Judá-yar melle bar gannarba sigegar. Weyob-imaksadi, adi, Judá-dulemar melle egi aibinegar. Geb Judá-dulemar-dula-gudi-imakega ebo-igar-mesisad-imakega imaksad. 15 Degi-inigwele, we-rey-machi Babilonia-e-reygi aibinnoni gusad. Bila-onoegala, Egipto-yarse e-sordagan-barmis-gusad, adi, molimar, degi, sordamar-bila-onomalad bukidar ega barmidagegar. Degitega, ¿Judá-dulemar-e-rey nako, be ebinsae? ¿Ar dule weyob ibmar-imaksad wakinno, be ebinsae? Dule igar-mesisadgi annasadi, ¿na san-onogo, be ebinsae? Suli. 16 Ani an Bab-Jehová-Bela-Gangued-Nikadi soged, Judá-rey Babiloniaʼgi berguoe, rey-e-nug-imaksad-yargi burgoe. Na e-ibmar-ise-sogar-imaksad gwen imaksasulid, deginbali, Babilonia-reybo-igar-mesisadgi annasbalid.

17 ” ’Babilonia-sordamar bukidar-dulemar-ogilogega napa-arsanyob-sobarmalad sobbarmalale, degi, aila-matusurmalad-sordamar-ichomakmalad sobbarmalale, Faraón bukidar-sordamar-bila-onomalad-nika-inigwele, bila-onogedgi Judá-dulemar-bendakosulid. 18 Judá-dulemar-e-rey ibmar-ise-sogar-imaksadba gwen ibmar-imaksasulid. Deginbali, Babilonia-e-reybo-igar-mesisadgi annasbalid. We-igar-sogbo-imako-sogsadgi-yolesad-ulale, gwen-wakinnosulid.’

19 ”Degisoggu, Bab-Jehová-Bela-Gangued-Nikadi weyob soged: ‘An-sunnad an ise-sogar-soged, ar ibmar-ise-sogar-sogsadba gwen ibmar-imaksasursoggu, deginbali, ar igar-mesisadgi annasbarsoggu, an sabsur-odurdakoed. 20 An-saki an Judá-reygi mioed, geb agi an gaoed. An Babilonia-yarse nidoed. Agi angi-nosad-ulale, an ega igar-nabogoed. 21 E-sordamar-bila-onomalad-bur-bulegan es-suidgi burgwemaloed. Durgumaloeddi, bela we-napneg-dirbir-naidgi oaisakilemaloed. Deyobi, wisgumaloed, ani an Bab-Jehová we-ibmar-sogsadid.’

22 ”Bab-Jehová-Bela-Gangued-Nikadi weyob soged:

e-anagan-bur-matusulidgi an e-dutugwad wannoed,

geb yar-matusulidgi an digoed.

geb urwar-nuedga guoed.

e-anagan-urba dukumarbaloed.

ani an Bab-Jehová gued.

Ani an sapi-bipigwadi odunguedbalid.

Ani an sapi-dinnagwadi durbamakega imakbalid.

deyob an imakoed.’ ”

<- Ezequiel 16Ezequiel 18 ->