1 ታናዳን ኣማኒያዋንቶ፥ ታኒ ፆሳ ቱማቴꬃ ፁራ [a] ሂንቴንቱሲ ኦዳናው ሂንቴንቱኮ ዬዳ ዎዴ፥ ꬎቃ ቃላኒኔ ኣꬌዳ ኤራቴꬃን ኦዳናው ያቤይኬ። 2 ኣዪሲ ጎፔ፥ ታኒ ሂንቴንቱና ዴዓዴ፥ ዬሱሲ ኪሪስቶሳፔኔ ቃሲ ማስቃሊያ ቦላ ሚሲማሪያን ꬊሼቲዴ ኢ ካቄቴዳዋፔ ኣቲን፥ ሃራባ ኤሬናዳን፥ ታ ቆፋ ቃቻዲ። 3 ታኒ ዳቡራኒኔ ያሻን ዳሮ ኮኮርሳን ሂንቴንቱና ዴዓዲ። 4 ታኒ ታማሪሲያዋኔ ኦዲያዋ ፆሳ ኣያናኒኔ ዎልቃን ቆንጪሳይፔ ኣቲን፥ ጪማ ጊዲዴ ኣꬌዳ ኤራቴꬃ ቃላና ጊዴና። 5 ሄዋ ዲራው፥ ሂንቴ ኣማኑ ፆሳ ዎልቃናፔ ኣቲን፥ ኣሳ ኣꬎ ኤራቴꬃን ዜምፒቤና።
6 ኑኒ ኣያናን ዎዛናማቱዋ ጊዶን ኣꬎ ኤራቴꬃ ሃሳዬቶ። ሺን ሄዌካ ሃ ኣላሚያ ኣꬎ ኤራቴꬃ ጊዴና፤ ዎይ ሃ ኣላሚያ ሞዲያ ꬋዪያዋንቱ ኣꬎ ኤራቴꬃ ጊዴና። 7 ሺን ኑኒ ኦዲያ ኣꬎ ኤራቴꬃይ፥ ፆሳይ ካሴቲዴ፥ ጮራ ዎዲያፔ ካሴ ኑ ቦንቹዋሲ ዶሬዳ ኣሳፔ ጌሜዳ ኣ ፁራ ኣꬎ ኤራቴꬃ። 8 ሃ ኣላሚያ ሞዲያዋንቱፔ ኦኒኔ ሃ ኣꬎ ኤራቴꬃ ኤሪቤና። ኡንቱንቱ ኤሬዳዋ ጊዲንቶ፥ ቦንቾ ጎዳ ማስቃሊያ ቦላ ሚሲማሪያን ꬊሺዴ ካቂኪኖ። 9 ሺን ፆሳ ማፃፋይ፥
13 ኑኒ ኣያና ዬዉዋ [c] ኣያና ዬዉዋና ጋꬂዴ፥ ጌሻ ኣያናይ ኑና ታማሪሴዳ ቃላን ሃዋ ሃሳዬቶፔ ኣቲን፥ ኣሳ ኣꬎ ኤራቴꬃይ ኑና ታማሪሴዳ ቃላን ሃሳዮኮ። 14 ሺን ጌሻ ኣያናይ ባይና ኣሳይ ፆሳ ኣያና ዬዉዋ ኣኬና፤ ኣዪሲ ጎፔ፥ ሄዌ ኣው ኤያቴꬃ። ዬዉ ጌሻ ኣያናን ፓጬቲያ ዲራው፥ ኢ ኤራናው ዳንዳዬና። 15 ሺን ጌሻ ኣያናይ ዴዒያ ኣሳይ ኡባባ ሻኬ፤ ሺን ኢ ባሬ ሁጴው ኦናኒኔ ሻኬቴና። 16 ኣዪሲ ጎፔ፥ ፆሳ ማፃፋይ፥