12
Koehnah Laa
1 Tekah khohnin ah, “BOEIPA namah ni kang uem eh,
kai taengah na thintoek dae
na thintoek khaw mael coeng tih kai nan hloep.
2 Kamah kah khangnah Khohni te ka pangtung vetih
ka sarhi ham khaw ka birhih mahpawh.
BOEIPA YAHWEH laa he khaw kai ham khangnah la om,” na ti ni.
3 Khangnah tuisih lamkah omngaihnah neh tui na than uh van bitni. 4 Tekah khohnin ah,
“BOEIPA te uem uh lah,
amah ming te khue uh lah,
a khoboe te pilnam taengah ming sak uh lah,
a ming a sang te thoelh uh lah.
5 Rhimomnah a saii te diklai pum loh
a ming coeng dongah BOEIPA te tingtoeng uh lah.
6 Israel kah Hlangcim te na lakli ah
a tanglue coeng dongah Zion nu rhoek loh