1 Wa yam makwaisina Sisa Ogusita[a] ikaraiwaga kidamwa bisonukulasi komwaidosi mina watanawa. 2 Makwaina sonukula sivatala ola tuta Kwiriniusi mina Siria[b] si tokwaraiwaga. 3 E komwaidosi ilosi biginisi yagasi, taitala taitala baisa ola valu tatoula.
4 E Yosepa isilavi Nasaredi mapilana Galili ilokaia Yudia ola valu Debida, yagala Bedeliem,[c] paila matauna Debida dalela mokwita. 5 Mwada bigini yagala toyo Meri yagala, e minana bogwa eipaku bivaisi. E minawena bogwa isuma. 6 Mesisikaisi baisa, e tuta matutona bitapoi yamala. 7 E ivilulu la kuluta tau;[d] e ikapoli magudiwena e isaili okasi kaiwaga bulumakau, paila gala si kabosisu wa bwala kwaidadina.
8 Mapilana valu toyamata sipi isisuaisi osaivau, iyamataisi si sipi wa bogi. 9 E la anelosi Guyau iyoumatila baisa matausina e Guyau la guyugwayu ivisigili matausina; e ikokolasi sainela. 10 Anelosi iluki matausina, kawala, “Taga kukokolasi. Paila ka, amiakaimi Bulogala Bwaina biyomwasali sainela tomota komwaidosi; 11 paila yam lagaila kami Tokwatumova, matauna Keriso Guyau, leikaloubusi ola valu Debida.[e] 12 Baisa bikibuboti kala kamokwita baisa yokomi; bukubanaisi pwapwawa bogwa ikapolaisi, e ikanukwenu okasi kaiwaga bulumakau.”
13 E nani iyoulapulasi labuma kala boda tobobawa deli matauna anelosi iyakawolaisi Yaubada, kawasi,
15 Tutala anelosi isilavaisi matausina ilokaiasi labuma, toyamata sipi ibigatonasi kawasi, “Bitalosi Bedeliem, bitagisaisi avaka bogwa ikaloubusi, makawala Guyau leilukwaidasi.”
16 E nani ilosi, ibanaisi Meri toyo Yosepa, toyo pwapwawa ikanukwenu okasi kaiwaga bulumakau. 17 Bogwa igisaisi, oluvi ilivalaisi avaka anelosi leiluki matausina paila gwadi magudiwena. 18 E komwaidosi ilagaisi baisa itutu uwosi paila toyamata sipi si bigatona. 19 Mitaga Meri vavagi komwaidona itaku onanola, ininanamsi. 20 E toyamata sipi ikaimilavausi, e ikikabwailisi Yaubada iyakawolaisi goli paila vavagi komwaidona avaka leilagaisi leigisaisi, makawala anelosi leiluki matausina.
21 E bogwa leiboda kwailima kwaitolu yam paila kala bobu.[g] Ivabwaisi yagala Yesu, makawala anelosi leilukibogwi minana igau gala bisuma. [h]
22 E bogwa leiwokuva yamla si kikila[i] makawala la Karaiwaga Mosese, Yosepa sola Meri imaiyaisi magudina Yerusalem, kidamwa bisakaisi matauna baisa Guyau. [j] 23 Makawala la Karaiwaga Guyau kala ginigini, “Si kuluta tauwau[k] bikabomaisi baisa Guyau.” [l] 24 E bilulasi makawala ola Karaiwaga Guyau, “nayu bubuneroro kaina nayu bubuna natubovau.”
25 E taitala tau yagala Simioni isisu Yerusalem, tomitukwaibwaila deli totapwaroru mokwita matauna, e itulotula kasi tokwala Isireli, e Baloma Tobumaboma isikaili matauna. 26 Baloma Tobumaboma ivituloki matauna gala bikaliga igau matutona bigisibogwi Guyau la Mesaia.[m] 27 E Baloma Tobumaboma ivakadi matauna wa Bwala Kwebumaboma; e tamala inala imaiyaisi magudina Yesu kidamwa bivigakaisi magudina makawala Mosese la Karaiwaga. 28 Simioni ikopwi magudiwena, iyakawoli Yaubada, kawala,
33 Magudina tamala deli inalac Tamala deli inala.Mimilisi wala buki pilabubogwa eiginisi “Matausina Yosepa deli gwadi inala”. itutu uwosi paila avaka matauna ilivala. 34 E Simioni ikabwaili matausina, iluki Meri gwadi inala, kawala, “Gwadi magudiwena Yaubada leinagi, kidamwa bidubadu mina Isireli bikapusisi kaina bitokaiasi paila uula matauna. Magudiwena Yaubada la kabutuvatusi, baisa tomota bidubadu bitakilaisi matauna, 35 e mapaila biyomitali si nanamsa kwekikiwola. E yoku, bukubani valam makawala kaiyala ibubasaim.”
36 E isisu natana navitoubobuta yagala Ana, Panuela latula, dalela Asera. Minana numoya, isisu sola la mwala kwailima kwaiyu taitu wala, 37 e ikwabuya paila taitu kweluwolima kweluwotolu kwaivasi.[~17~] Minana gala bisilavi Bwala Kwebumaboma, mitaga yumyam bugibogi ititapwaroru deli la pusoposuma[~18~] toyo ninigada. 38 E wa tuta matutona ima inokagutoki baisa Yaubada, ilivala paila magudina baisa komwaidosi itutulaisi mwada Yaubada bitaneku Yerusalem.
39 E bogwa ivagaisi vavagi komwaidona makawala la Karaiwaga Guyau, ikaimilavausi Galili osi valu tatousi yagala Nasaredi. [~19~] 40 E monagwadi ikatusaili itowonaku e ipeula. Ikabitam sainela deli Yaubada imitukwaii matauna vavagi bidubadu.
41 E taitu kwaitala kwaitala tamala inala melokaisi Yerusalem paila Luvapela[~20~] Pakala. [~21~] 42 E tutala Yesu kala taitu kweluwotala kwaiyu, ilosi makawala kasi gulogula. 43 E paka bogwa leiwokuva ikikaimilavausi; e gwadi Yesu isiwa Yerusalem, mitaga tamala inala gala inikolaisi. 44 Idokaisi isisu osi boda, mapaila ikalatalasi ililoulasi, e inevisi magudiwena oluwalaisi veisia deli lubesia. 45 Mitaga gala ibanaisi matauna, e ikaimilavausi Yerusalem, inainevisi matauna. 46 E bogwa ikalatolusi ibanaisi matauna wa Bwala Kwebumaboma isiwalai tovituloki ililagi matausina deli ikikatupoi matausina; 47 e komwaidosi ilagaisi matauna saina itutu uwosi sainela paila la kateta toyo la vitakaula. 48 E tutala igisaisi matauna itutu uwosi; e inala iluki matauna, kawala, “Latugu, avaka paila kuvigakaima makawala? Kugisi tamam deli yeigu lakaninevaim deli ma nokubukubu paila yoku.”
49 Iluki matausina, kawala, “Avaka paila kuninevaigusi? Ki, gala kunikolaisi ibodaigu basisu ola bwala Tamagu?”[~22~] 50 Mitaga gala ikatetasi avaka eikaibigi.
51 E ikaimilavau deli matausina ilosi Nasaredi, ikabikuwoli matausina. E inala vavagi komwaidona makwaisina itaku onanola.
52 E Yesu iyouloveka la kabitam toyo itowonaku; tuvaila Yaubada deli tomota ikabwailisi matauna. [~23~]
<- LUKA 1LUKA 3 ->-
a Mina Roum si Giyouveka eidokaisi Sisa (Caesar), e wa tuta 27 BC bila 14 AD si Giyouveka yagala Gaius Octavius. Matauwena yagala ikatumkulovaisi igitolula idokaisi “Ogusito” (Augustus), maigana kala kivila “Towalakaiwa”.
b Mina Roum idokaisi mina Yudia si valu pilamwaidona mwada katupotala olumoulela mapilana Siria.
c Mapilana valu katitaikina Yerusalem opilibolimila kala kaduwonaku makawala Kaibola bitala Omarakana (8 km).
d Mina Yudia bikabomaisi kuluta tau baisa Guyau Yaubada.
e Baisa mapilana Bedeliem (kugisi mailela 4 kala katumiki).
f e watanawa bitalaguva luposi matausina iyomwasalaisi Yaubada. Gagabila bitagini “e watanawa bivakota valu deli Yaubada bikabwaili tomota komwaidosi.”
g Kugisi makasana Biga Kala Katumiki.
2:21 2.21 Tol 12.3; Lk 1.31
i Mina Yudia idokaisi kidamwa vivila makateki eivalulu e minana bomikikila wala, gala gagabila bitapwaroru kaina bigisi sala. Ibodi wala bisipwepuni ola bwala bila igau tutala pwapwawa bibobu. Oluvi bikaimilavau bisisu ola bwala paila kweluwotolu kwaitolu yam, e oluvi bilulasi baisa Guyau makawala Mosese la karaiwaga.2:22 2.22-24 Tol 12.6-8
k Kugisi mailela 7 kala katumiki.2:23 2.23 Sun 13.2,12
m Kugisi makasana Biga Kala Katumiki. n Mapilana wosi eisau Simioni isisu mailela 29-32, e totapwaroru tokinabogwa leima lagaila idokaisi yagala “Nunc Dimittis” (“lagaila kutanekwaigu”), paila baisa wosi bigala bigimatala obonasi mina Roum.2:32 2.32 Ais 42.6; 49.6; 52.10
p Tamala deli inala.Mimilisi wala buki pilabubogwa eiginisi “Matausina Yosepa deli gwadi inala”. ~17~ e ikwabuya paila taitu kweluwolima kweluwotolu kwaivasi: Gagabila bitakivilaisi “e baisa tuta kala taitu iboda kweluwolima kweluwotolu kwaivasi goli.” ~18~ Kugisi makasana Biga Kala Katumiki.2:39 2.39 Md 2.23
~20~ Kugisi makasana Biga Kala Katumiki.2:41 2.41 Sun 12.1-27; Kak 16.1-8
~22~ Gagabila bitagini “bauvagi la paisewa Tamagu”.2:52 2.52 1 Sml 2.26; Big 3.4