Kubolua Mogu Lipu Hananiangamdi Na Urana

1 “Ulibu (kubolua[di] na) bila li bu umogudi nanga, bu dituxu lipu hananiangam oxatanoa nanga: Oxop bulmakau moning tutubing tela xaung sipsip moning luwa doxola saxa xaung hataing tela doa te. 2 Xauna, oxop wit gagabing xai sibuna saing utongtongia salanga maxang tuwa: Teladi doxola yis, teladi doxola yis uxaningxaning guxenga olip, xaung teladi laulaungading doxola yis usabaxaya guxenga olip manadi. 3 Utadi dabia saing oxopdi ma rangua nga xaung bulmakau moning tutubina xaung sipsip moning luwa ba. 4 Baing oxop Aron gabu garang lupdi ma xahi guguniangam xuania saing udamiadi xaung langa. 5 Oxop imang(ga)di (ba) saing usausau Aron xaung imang yauyaungam, gamogamu imanging maxaxaya, gamogamu imanginoa, xaung ringring imanginoa. Ugoxi gamogamu imanginoa mana xaung waxua lipu ubung bisamanama tongtongia. 6 Uta toxotaxu sakunganoa etua mana toxonoa saing ugoxi yauyaunga gol mogu ba ngayua mana imang sakungama. 7 Oxop guxenga mogungam saing umogu ba ngayua mana kubolua umatu toxonia. 8 Tauna, oxop garandi ma saing usausaudi imang yauyaungamia 9 saing ugoxi muxupdi manadi. Saking ugoxi waxua ulenamdi mana Aron xaung garandi uledingia. Lipu hananiangam oxatanoa dingia bungingbunginalo. Ngahanaunau bila ba. Kuboluadi li ulibudi mogudi ba dituxu oxatagua.

10 “Oxop bulmakau moning tutubina ma xahi guguniangam(a) maxania, saing Aron gabu garandi bagula dita rimadingdi toxonia. 11 Ung bulmakau la ba Toxoratamona maxania xahi guguniangama maxania. 12 Oxop bulmakau sibing tela saing uta mana kabukabu hananiangam salamindi xaung rimam uxunoa, saing baraxinta (du)wauyu umatu mari kabukabu hananiangam namuya. 13 Saking oxop orang lunam longgalo, ating hataing maxaxaya, hatung luwa xaung oradinga (kaukaudi), saing utaudi kabukabu hananiangamia. 14 Ning utau bulmakau moning mututunganoa xaung sangganoa xaung tainoa (bing) utaudi yabia tabalaxaya sabasabia. Ina hananianga (mana) sisia kubolu diandi.

15 “Oxop sipsip moning tela, saing Aron gabu garandi bagula dita rimadingdi toxonia. 16 Saking ung sipsiba saing oxop sibinoa saing ubararaga taxiya mana kabukabu hananiangam rubindi. 17 Ututu sipsiba saing udamia hataing lunamdi xaung kindi, saing utadi rangua toxonoa xaung hataing teladi. 18 Saking utau sipsip urungina masup kabukabu hananiangamia. Ina hananianga taungam manga, Toxoratamona, samisami(ya) ngayaha mana, hananiangama usina na Toxoratamona.[~1~]

19 “Oxop sipsip moning tela (muli), saing Aron gabu garandi bagula dita rimadingdi toxonia. 20 Saking ung sipsiba saing oxop sibing tela saing uta mana Aron xaung garandi tangadingliang ??? rimamodi, mana rimading tinang rimamodi, xaung mana kiding tinang rimamodi. Saking ubararaga siba mana kabukabu hananiangam rubindi. 21 Saking oxop sip tela wauyu kabukabu hananiangamia xaung guxenga mogungaguam tela saing urumia mana Aron xaung imangindi xaung mana garandi xaung imangidingdi. Baing ina naga, bagula gabu garandi xaung imangidingdi daxap mogungagua bila ba.

22 “Baing sipsip monina ba, oxop orana xaung uxang orana, orana wa lunia, ating hataing maxaxaya, hatung luwa xaung oradinga, xaung babang rimamo. (Sipsip monina li oxatanoa mogu lipuxigu hananiangamdi). 23 Saking oxop salanga manrungang tela, salanga mutungang tela guxenga wa mana, xaung salanga laulaungang tela sangua daba salangadi doxola mana yis duwa mana ba, daba ba wa Toxoratamona maxania. 24 Uta axadi ba mana Aron xaung garandi rimadingdi bu diti rimadingdi mahaing Toxoratamona maxania bila hananianga rima itingama. 25 Saking bagula oxop axadi ba sangua rimadingdi saing utaudi kabukabu hananiangamia xaung hananianga taungam. Ina hananianga taungam manga, Toxoratamona, samisami ngayaha mana, hananianga yapkam usina na Toxoratamona. 26 Saking oxop sipsip moning luwa ba ringringinoa (ung) mana Aron mogunganoa, bing uiti mahaing Toxoratamona maxania bila hananianga rima itingama, saing bagula wa ung sibum sinagima.

27 “Umogu sipsip moning hataing teladi uhananiadi ba. Duwa Aron gabu garandi dingiadi: ringringa uiti mahaing maxagia (ba) xaung baba uhanania ba. 28 Bungingbunginalo bungina Isreldi dahanania na Toxoratamona bu dirung xai rangua, bing hataing luwa li Aron gabu garandi sinagidinga Isreldi dituxu sinak manadi.

29 “Aron imanging mogungamdi bagula bakbagindi dima kimu mana dingiadi bu sanga ba disaudi bungina dimatu guxenga manadi daxap mogungagua. 30 Gara lup baruamta xap lipu hananiangam yabanoa kimuya mana xaung luxu ma xahi guguniangamia bu tuxu oxatagua Urana Yabang Maringinia bing saudi sanga mana xaidap 7.

31 “Oxop sipsip moning tela uhanania bu mogu Aron gabu garandi ba, saing ubori mana longga ngamogu nanga. 32 Baing Aron gabu garandi bagula daxang sipsip moning mututunganoa xaung salanga wa dabia xahi guguniangam xaunia. 33 Bing daxang hananianga bagudili, hananiangadi uhananiadi bu ngasisia kubolding diandi bungina umogudi nanga. Ning lipu teladi labu daxangdiu tai, ding ganiding. Namua na ngamogu hananiangadi nanga. 34 Baing nabu sipsip moning mogungam mututungang teladi kimbo salanga teladi duwauyu laing buraragina, bing utau masup. Labu daxanggu tai, namua na ngamogu hananiangadi ba nanga.

35 “Bing ulibu axadi li ngatabinadi naung mana Aron gabu garandi. Laing xaidap 7 bing umogudi. 36 Xaidap taining tainina bing uhanania bulmakau moning tela mana hananianga kubolu diandi sisiangadinggama. Xauna, uhanania bu ulibu kabukabu hananiangam sigixingang sibuna maxagia, saing umatu guxenga mana bu mogu nanga. 37 Laing xaidap 7 bing ulibu bila li bu mogu sibuna kabukabu hananiangam nanga. Baing ina naga, kabukabu hananiangam bagula wa sigixingang sibuna maxagia, saing baraxingbaraxintadi dituxu bagula mogungagua wa manadi xauna.

38 “Tauna, hananianga bagudili bing uhananiadi etua mana kabukabu hananiangam xaidap taining tainina: sipsip tutubing luwa tang nianiding taininau. 39 Tela bing uhanania buragina xaung tela bungbung sibuna. 40 Gabu sipsip tutubung mugamugangama bing uhanania wit gagabing xai sibuna kilo tela uxaningxaning xaung olip guxengang lita tela, xaung wain lita tela mana hananianga nungingam. 41 Sipsip tutubing tela bing uhanania bungbung sibuna xaung hananianga maxang taininau bila uhanania buraragina—wit gagabing xaung hananianga nungingam. Ina hananianga angingam manga, Toxoratamona, samisami(ya) ngayaha mana.

42 ”Mana lipuadi dima kimu mang, bing dahananiauyu hanananianga bagudili nanga. Dilibu(libu) xahi guguniangam xuania Toxoratamona maxania. La ba bagula ngagugunia ranguang xaung ngaharua naung. 43 La ba bagula ngagugunia rangua Isreldi, saing longga ba bagula xap mogungagua bungina ralagua ri ma mana.

44 “Bila balau bagula ngamogu xahi guguniangama xaung kabukabu hananiangam nanga, saing bagula ngamogu Aron gabu garandi nanga bu dituxu lipu hananiangam oxatanoa nanga. 45 Baing bagula ngarung liwe mana Isreldi xaung bagula ngawa Urana dingia. 46 Bagula daxabia ba nga ba Toxoratamona Urana dingia, ngaxapdi ma sangua Isip bu sanga ba ngarung liwe manadi. Nga ba Toxoratamona Urana dingia.

<- XAPDI MULI 28XAPDI MULI 30 ->