Lipu Hananiangamdi Imangidingdi

1 Daxap yau mutuxu monga, sikokop xaung sabuxana saing ditongtongia imang gumangindi (ma)na lipu hananiangamdi bu dituxu oxatadinga Toxoratamona xahinia. Xauna, ditongtongia imang Toxoratamona mogunganamdi mana Aron, bila Toxoratamona tabina Moses ba.

Lipu Hananiangam Gamong Imanginoa

2 Tongtongia gamogamu imanginoa mana gol, xaung yau mutuxu monga, sikokop xaung sabuxana, xaung imang xai sibuna. 3 Ditaha gol hamia laing laulaungang sibuna, saing ning ba sok yaudi bu raga xaung yau mutuxu monga, sikokop xaung sabuxana xaung imang xai sibuna. Lipu ubung bisamanamdi ditongtongia. 4 Ditongtongia waxu yaxuamdi mana gamogamu imanginoa, saing disigidi mana yoyoang luwa, bu sanga ba goxi. 5 Disusu waxu ulenama xai sibuna bila gamogamu imanginoa. Imang taininau rangua, ditongtongia mana gol xaung yau mutuxu monga, sikokop xaung sabuxana, xaung imang xai sibuna, bila Toxoratamona tabina Moses ba.

6 Ditaga siang oniksdi mana siang tuxungang yauyaungamdi, saing dibung Isrel garang lupdi yadingdi manadi bila lipu siang buninganama bung mana. 7 Baing goxidi mana gamogamu imanging yaxung hataindi bu duwa siang hatuminga muliamdi mana Isrel garang lupdi, bila Toxoratamona tabina Moses ba.

Lipu Hananiangam Ringringing Soxautinganama

8 Tongtongia ringring imanginoa. Lipu ubung bisamanama tongtongia. Tongtongia bila gamogamu imanginoa: mana gol, xaung yau mutuxu monga, sikokop xaung sabuxana, xaung imang xai sibuna. 9 Tongtongia rubing luwadi luwadi maxaxayadinga taininau saing luki hataing hataina sanga mana rubing taining tainina sentimita 22. 10 Saking ditaga siang giminak sabanggamdi maxixinga luwadi luwadi mana. Maxixinga mugamugangam kanilian, topas xaung beril. 11 Luwa emarol, sapaya xaung daimon. 12 Tuwa yasin, aget xaung amatis. 13 Luwadi luwadi bing kirisolait, oniks xaung yaspa. Ditagadi mana siang tuxungam yauyaungamdi. 14 Mana siang 12 ba, dibung Isrel garang lup tela mana taining tainina. Siang tela xap yaya mana Isrel bakbaging 12 tela.

15 Ditongtongia waxu luwa mana gol sigixingang sibuna mana ringring imanginoa. Ditongtongiadi bila waxua. 16 Ditongtongia siang tuxungang yauyaungam luwa xaung raxu luwa mana saing disigi raxu luwadi ba mana ringring imanging yoyoang luwa. 17 Disigi waxu gol luwadi ba mana raxu luwadi mana ringring imanging yoyoandi. 18 Waxu subingang luwadi disigidi mana siang tuxungam yauyaungamdi luwa duwa mana gamogamu imanging yoyoang hataindi duwa maxania. 19 Ditongtongia raxu gol luwa saing sigidi mana ringring imanging yoyoang luwa teladi duwa hawa xaung imang ubunia, gamogamu imanging rubinia. 20 Ditongtongia raxu gol luwadi muli saing disigidi mana yoyoang hataindi duwa hawa mana gamogamu imanginoa, haxek mana waxung ulenam sihinoa. 21 Ringring imanging raxundi digoxidi mana gamogamu imanging raxundi xaung waxua mutuxu monga, disigi mana waxu ulenama, bu ringring imanginoa sanga ba tibala sangua gamogamu imangin te, bila Toxoratamona tabina Moses ba..

Lipu Hananiangamdi Imangiding Teladi

22 Xauna, tongtongia imang maxaxaya mana imang mutuxu monga lipu ragangama raga bu wa hawa mana gamogamu imanginoa. 23 (Yunga) Ginangina lia mana lipu toxonoa. Tongtongia sihinoa mana ginangina nam singina. 24 Diyauyau imang maxaxaya sihinoa mana pomigranet marang babundi mana yau mutuxu monga, sikokop xaung sabuxana xaung imang xai sibuna. 25 Xauna, ditongtongia belodi mana gol sigixingang sibuna, saing didararagadi liwe mana pomegranetdi wagigia imang sihinia. 26 Belodi xaung pomigranetdi duwa tela tela wagigia imang sihinia, imanga lipu hananiangama sau bungina luxu Toxoratamona maxania, bila Toxoratamona tabina Moses ba.

27 Ditongtongia imang yauyaungamdi mana imang xai sibundi mana Aron xaung garang lupdi.. 28 Xauna, ditongtongia toxotaxu sakunganoa mana imang xai sibuna mana Aron xaung toxotaxu sakungandi mana garang lupdi xauna. Ditongtongia imang hawangamdi mana imang xai sibundi xauna. 29 Waxu ulenama ditongtongia mana imang xai sibuna xaung yau mutuxu monga xaung sikokop xaung sabuxana. Lipu ragangam raga, bila Toxoratamona tabina Moses ba.

30 Ditongtongia yauyaunga toxotaxu sakunganam tela mana gol sigixingang sibuna, mogungua hatanga Toxoratamona mogunganoa, saing dibung haruanga baguli mana: Toxoratamona Inia. 31 Digoxi waxu mutuxu monga mana saing disigi mana toxotaxu sakunganoa, bila Toxoratamona tabina Moses ba.

Moses Suxuya Urana Xahinoa

32 Baing ina naga, oxata longgalo mana Urana xahing guguniangama disup, saing Isreldi dilibu axamang longgalo (taxa) bila Toxoratamona tabina Moses ba. 33 Saking daxap xalaxaladi dima rangua Moses: xahia xaung xalingindi, gauyagindi, barotindi, sigixingangandi, tuxandi xaung namuxidingdi, 34 moking sipsip monindi sanggadinggamdi disamidi sabuxana xaung moking asaxa sanggang xai sibunamdi, xaung imanging soxautingama, 35 Bokis Hanaunaungama xaung xaindi xaung xuanoa long kubolu diana sisianganama wa mana ba, 36 kabukabua xaung xalingindi xaung salanga wa Toxoratamona maxania bungingbunginalo, 37 kabukabu nagunggama ditongtongia mana gol sigixingang sibuna xaung nagungindi duwa maxixingia xaung xalingindi, xaung guxenga mana nagungdi, 38 kabukabu gol bunuxuyang saminam, guxenga Toxoratamona mogunganam xaung bunuxuyang saminam, xaung xahing xuang imanging soxautingama, 39 kabukabu hananiangam bras xaung grate? bras, xaindi xaung xalinging longgalo, mina xaung kabukabunoa, 40 xahi rubing gamgamingang imangindi xaung tuxandi xaung namuxidingdi, xaung xuang imanging soxautingama, gamgamingang waxundi xaung bundigindi, xaung xalaxala oxata xahiam longgalo, xahi guguniangama baing, 41 xaung imang gumangindi disau bungina dituxu oxatua Urana Yabang Maringinia, imang Toxoratamona mogunganamdi Aron saudi, xaung imanggadi garang lupdi disaudi bungina dituxu lipu hananiangam oxatanoa.

42 Isreldi dilibu oxata longgalo taxa bila Toxoratamona tabina Moses ba. 43 Moses suxuya oxatua saing bagu ba dilibu taxa bila Toxoratamona tabina ba. Binabu Moses sina guxama nadi.

<- XAPDI MULI 38XAPDI MULI 40 ->