1 जो राजगादि पोर बोह रियेल ईतो, तान जेवड्या आथाम मी एक पुस्तेक दिख्यो; जान माय एने बाहेर लिखेल एतो, एने तीह हात सिक्‍का लागाड़ीन बोंद किरेल एतो। 2 एने मी एक ताकेतवाला हेरोगदुताह दिख्यो। जो जोरेस आयड़ीन गोसणा केरने बाजरियेल ईतो, “ज्या गुंडालील पुस्तेक ने सिक्काह तोड़ने एने ताह उगाड़नेन ताकेतवालो कुण हे?” 3 [a]पुण नाह हेरगा माय, नाह देरती पोर, नाह देरतीन नेचो कुण ता पुस्तेकाह उगाड़ने एने ता पुस्तेक माय काय हे देखणेन ताकेत मेलनार कुणीस नाह एतो। 4 तेवी मी उहकी उहकीन रेड़ने बाज गीयो, काहाकाय ता पुस्तेकाह उगाड़ने एने ता माय जो लिखेल एतो ताह देखणेन लायकीन कुण नाह जुड़नो। 5 तेवी डावाला माणहा माय रेन एक जाण माहु केयो, “रेड़ी मा। एने देख! यहुदान गेराणान तो सिहो जो दाऊदान वोस हे, ता हात सिक्‍का तोड़ने एने गुंडालीन पुस्तेकाह उगाड़ने केरता ताकेवालो ईयेल हे।”

6 तेवी मी दिखो मेंड्रो राजगादिन विची माय उबरेनोह, एने चार जेनवेराह एने डायला माणहा से गेराय रिनोह। तो ओहलो देखातालो काय ताह मारील हे। ताह हात हिंगे एने हात डोला एता, जा बोगवानान हात जीव हेते, जाह आखी देरती पोर मोकलील एतो। 7 तेवी मेंड्रो जाईन राजगादि पोर जो बोह रियेल ईतो, तान जेवड्या आथाम रेन ता पुस्तेकाह लीय लिदो। 8 तो ता पुस्तेकाह लिदो तेवी ता चार जेनवेरे एने चोववीस डायला माणहे ता मेंड्रान पाया पोड़ना। ता आखा डायला फाय रेणथो एने ईंगाला माय बोरायेल होनान वाटका एता, त्यु बोगवानान माणहान विन्ता हेत्यु। 9 ता एक नोवालो गीत गावणे बाजरियेल एता: