1 Sambi, paapongoriwe Insa Betlehemu inti ya Yudeya, wakati Herodi[a] wawere nfalume, kwa mpunde noure wafika Yerusalemu wataalamu[b] wakilawa upande wa mashariki, wakamba: 2 “Apongoriwe nfalume wa Mayahudi‑yo kandepi? Kamana tiwona nondwa yake paikiwala, ndimana tija kuntukuza.” 3 Nfalume Herodi paasikire, kafazaika pakulu sana na wanu piya wa Yerusalemu[c] wafazaika naye. 4 Akiwajumanisa piya walongozi wa dini na wanlimu wa shariya wákiwatumikira wanu, akiwadairi: “Almasihi[d] akuja kupongoriwa ndepi?” 5 Ewo wakinjibu: “Betlehemu inti ya Yudeya, konta vyandikiwa na nabii mmoja[e] javi:
13 Ewo pawaludire, mpunde laika wa Mola akinjira Yusufu julu ya ruhuya, akimwambira akamba: “Lamuka, nsukure toto‑yo pamoja na mamaye, utire uke Miswiri, ukekare mpaka nukwambire, konta Herodi ansakula toto‑yo amuulaye.” 14 Iye akilamuka, akintwala toto ire pamoja na mamaye, usiku-usiku akilawa, akuka Miswiri. 15 Akikala nokure mpaka Herodi akifwa, ipate vitimiziwe vyaambire Mola julu ya nabii mmoja[f], akamba: “Kulawa Miswiri nimwita mwanangu.”
16 Sambi, Herodi pejiwe kuwa katenviwa na wataalamu ware, kakimiwa pakulu futi. Akitumiza kuwolaya wasimana walume piya wa Betlehemu na wa kaya piya zíri karibu nawo, kwanza ka hirimu ya myaka miwiri na sawanamba kufika, kwa kutunza muda waawadairire wataalamu ware. 17 Basi vikitimiziwa vyaasemire nabii Yeremiya[g] akamba:
19 Sambi, nakufwa Herodi, kwa mpunde laika wa Mola akinjira Yusufu Miswiri nokure julu ya ruhuya, 20 akamba:
-
a Eyo ndi Herodi nkulu wakwanza, babu wa Herodi mwengine atawáre wakati Insa wagomezeriwe pansalaba.
b Wataalamu kawakirifyomesanga namuna vyazenenda nondwa.
c Yerusalemu zina rengine ndi Al-Kuds.
d Eyi aya‑yi “Almasihi” mana ake Nfalume nkulu wa Mayahudi álaiziriwe kupongoriwa.
e Kwa nfano, ona 2 Samuweli 5:2.
f Ona Hozeya 11:1.
g Ona Yeremiya 31:15.
h Epa mwandishi katumira “nNazareti” aari kumwamba Insa tu basi kuwa nNazareti falakini amwamba novyo munu wakutula nadiri ya Nazareti. Ona Isabu 6:2-21.