Languages
2
Ne vurya̱rrachura Ju̱denu jantyutya̱da

1 Ramuni̱tiy vu̱ryi tuva̱chu dyetya jaryivya̱ju̱ ramu jiryatiy vu̱tyuva̱chuma̱, vu̱ñuma caray ramusiy. 2 Ju̱denu niquejada ji̱ta jiryatiy satu̱chutadeda yipa̱varya, ravichasara si̱tenu niquejada daryá. Rityimyu̱ ne siityeru̱yada raju̱, ru̱mutya̱jada varirya tanuvu̱doda ramurichirya. 3 ¿Nu̱tyuramusiy vurya̱ramitya varirya Ju̱denu nique̱yada, nu̱tyuramusiy? vu̱tyi rrachura sa̱ntyutya̱da jiryatiy jaryi samirya rani̱cha, jiryatiy satu̱choda Ju̱denu munatya Vu̱yntyityu̱ Jesucrístu jtosirya, rivasiy ji̱ta su̱dutya̱da vu̱jyu̱ra, simu tuva̱chuvay jtedamusintyi. 4 Ju̱denu ji̱ta dityadoda ru̱teda jsa̱ju̱ra mityamusiy datyadoda, ti̱ttasara, mityamusiy jvaayada jarye, jiryatiy si̱tenu tu̱choda rani̱cha day. Sava̱ta̱damusiy jiche̱yadantirya Yintu datya̱daterantiy.

Su̱deda Jesús nu̱tyu nijya̱mi̱ vurye̱ntyutyasa̱daju̱

5 Ne sabayada Ju̱denu vadi mucadi nutyityu̱mijyu̱ riy yipa̱vay, ranchityi nu̱ñique. 6-8 Satu̱choda ti̱ vijyo̱mujache daryaju̱ jiñiquejadamu:

“¿Chi̱ra sani̱cha nijya̱mi̱ jiryatiy jijechipityani̱? ¿Va̱ nijya̱mi̱ denu cay, chi̱ra sani̱cha ya̱tidye jachipityaja̱sarani̱, chi̱? Jibeyada yipa̱vay jarijyu̱ni̱ nijya̱mi̱ taraquideju̱. Jibechara su̱no̱vara nu̱tyu parenu vanda, rirya̱tidye jnu̱chara nijya̱nvay suvu̱yadamu sana̱cho̱, jibeyadani̱ nusu̱ñu yinderanchaju̱ntiy. Jichabodeda ti̱ta̱ju̱ sansu̱yadamuju̱ra.”
Jiryatiy sasabodeda ti̱ta̱ju̱ nijya̱mi̱ju̱ra, ne rama̱cho̱ tara jiryatimyu̱ ne sabonichara darya. Diye ji̱ta, ne vu̱dyi riva ti̱ta̱ju̱ sabonichara nijya̱mi̱ju̱ didye. 9 Vu̱dyi ji̱ta siva Jesús jiryatiy sani̱cha bachi̱ Ju̱denu jpa̱vay jarijyu̱ taraquideju̱, jiryatiy sabatyeda paru̱cha̱rimyusiy, sa̱tidye bay Ju̱denu varirya já̱mu nutyityu̱ nuvii su̱no̱va, jiryatiy vandara, samiy jvadichara jarye risa̱ju̱ra. Daryani̱ sabatyeda Jesús ti̱ta̱ju̱ nijya̱nvay jiyadaju̱ Ju̱denu va̱ta̱damusiy.

10 Jiryatiy su̱ndejada Ju̱denu ti̱ta̱ju̱ jijecharaju̱ra tara, samirya rani̱cha sa̱tidye ca̱siy paru̱cha̱rimyusirya yivaayada simu, vuryeyada rá̱ñu Jesucrístumu, ni̱tiy ju̱dejadara vuryentyutya̱da, sa̱tidye jiryiryi rajuuvay nijya̱nvay jidyedyeñuju̱, vandamu vicha̱daju̱ yisa̱ju̱. 11 Tapi vu̱jiintyabi, daryantiy sajiintyavay vu̱ñi̱cha vatajuu Ju̱denu dadyeñu ti̱ta̱ju̱. Ramuni̱mu̱y ne sa̱da Jesús ju̱teda jityeryi̱veda riy. 12 Su̱tedantiy:

“Ra̱tu̱chusarara yitya ratyeryi̱veda cabyiva. Nijya̱nvajyuu parudamu ra̱murra̱y ri̱chana̱yadamu jiñijyu̱ Ri̱ndenu.”
13 Su̱tedantiy:
“Rantya ra̱jachipiya̱sara sanijyu̱,”
jadchintyi:
“Jiyu darye, deramidyeri̱ risa̱, jiryatiy sasa̱yada Ju̱denu ray.”

14 Ramuni̱tiy jiryatiy rivyichasara jivye deramidyeri̱ savityavay, nudatavay jarye, ni̱ jarye vichasara mityiji rusa̱, sa̱tidye paruta jibetyedamusiñi̱ ni̱tiy datya ju̱veda riy nijya̱nvay, jiryatiy bayantu nutyityu̱ dañi̱. 15 Ramusiy ji̱ta sa̱ntyuchara ruuva rityi vichasara bayantu cumudemiy jichuvu̱yadamusiy. 16 Si̱tenuni̱ ne su̱mu̱tyaru̱yada rata riy Ju̱denu jpa̱vay; su̱mu̱tyaru̱yada ji̱ta riy nijya̱nvadye jiryatiy Avurá̱bay dadyeñujuu daryi, rityuva̱chodamu. 17 Ramuni̱tiy daryani̱ saryi vichasara Jesús nu̱tyu jityeryi̱veda nta ti̱ta̱ju̱, sa̱tidye vicha caserdótevyeda nutyityu̱, jantyutyara, yivaayada jto̱tanirya jarye, jiryatiy sivaachara Ju̱denu diya nijya̱nvajyu̱ra, jiryatiy sara̱y rijyuuchuveda jiyadaju̱ntiy. 18 Ni̱ jarye datya̱dara paru̱tya̱da jijye̱ jantya̱damusiy, ramuni̱tiy sadatya jmu̱tya̱da rivasivyu̱y, jiryatiy vu̱vyichasara saja̱y jantya̱damu.

<- Ebrévuveda 1Ebrévuveda 3 ->